હું એક સ્ત્રી છું...

હું એક સ્ત્રી છું...
વહાલ કરો તો મલકાઉ ને અવગણો તો ઉશ્કેરાઉં!
લાગણીઓને બજેટમાં રાખીને નથી ચાલતી, એટલે જ વારે-તહેવારે અવાર-નવાર શોપિંગ કરુ છું.
મારું એક સ્મિત માત્ર સો સમસ્યાઓ ઊભી કરે, ને ક્યારેક એ જ સ્મિતથી સમાધાન!
પરિચય બધાનો રાખુ છું અને પરચો પણ પરિચયને અનુરૂપ આપું છું...કારણ કે, હું એક સ્ત્રી છું.
એમ તો મને વાતો અનલીમીટેડ કરવી ગમે છે પણ કદિક મૌન અને અબોલાથી ય વાર કરુ છું.
દુનિયાદારીની ગતાગમ નથી બહુ એટલે જ પિયરને પાછળ મૂકી સાસરિયાની દિશામાં પ્રયાણ કરુ છું...કારણ કે, હું એક સ્ત્રી છું.
ક્રોધ, અહંકાર, છળ-કપટ મને પણ આવડે છે, પરંતુ ત્યાગ, એકતા અને અનુકુળતાનું માધ્યમ બનીને જીવન માણું છું.
પુરુષને સાહસ અને સફળતામાં સતત સાથ આપું છું અને મારી સફળતાનો શ્રેય પણ પુરુષને આપું છું...કારણ કે, હું એક સ્ત્રી છું....!!